Análise Interna

Realizar a análise interna significa deseñar como vai ser a túa empresa e como vai funcionar. A palabra clave nesta fase é coherencia. O deseño da nova empresa, da súa estrutura, das súas pautas de funcionamento, das persoas e dos bens que formarán parte dela, deben ser aspectos coherentes cos produtos e cos mercados e, polo tanto, coa estratexia competitiva que elixiras.

• Analiza polo miúdo tódolos procesos (deseño, fabricación, venda, administración, etc.). Define en qué procesos están as túas vantaxes competitivas, qué cousas sabes facer mellor que a túa competencia, o que che permitirá competir ante ela con garantías.
• Analiza qué procesos vas realizar internamente e cáles lles vas subcontratar a outras empresas. Reserva para ti os procesos clave (nos que radican as túas vantaxes), e busca profesionais e empresas externas que poidan realizar as restantes funcións.
• Define a túa estrutura organizativa e as persoas que a van compoñer. Ten en conta qué perfil persoal e profesional deben ter estas persoas para se integraren na túa empresa.
• Analiza os recursos técnicos que necesitarás para realizar as túas operacións. Estima cánto terás que investir nos mesmos, e se poderás dispoñer do diñeiro (propio ou alleo) suficiente para os financiar.
• Marca uns obxectivos claros, en termos de vendas, beneficios, etc. que che sirvan como referencia de a ónde queres chegar.
• Os obxectivos deben ser ambiciosos, para que implique un esforzo permanente conseguilos, pero ó mesmo tempo alcanzables. Fixar obxectivos demasiado ambiciosos leva á desmotivación se non se alcanzan.