Nº 19 - agosto 2010

Titulares

• O NOVO FONDO DE CAPITAL RISCO “XES INNOVA”, PARA O SECTOR TIC.
• AS CARREIRAS UNIVERSITARIAS CON MÁIS SAÍDAS LABORAIS.
• PROGRESS, UNHA ALTERNATIVA MÁIS PARA O MERCADO LABORAL.
• CREADO O OBSERVATORIO DO EMPREGO PÚBLICO.
• O ICO FINANCIOU 12.400 MILLÓNS DE EUROS DURANTE O PRIMEIRO SEMESTRE.

• Portada
• Hemeroteca
• Subscricións E-mail

 

Do total de empréstitos dispostos, 10.587 millóns de euros distribuíronse a través das Liñas de Mediación que o ICO tramita en colaboración con bancos e caixas de aforro, un 28% máis que no mesmo período do ano anterior.

 

O volume de empréstitos concedidos polo Instituto no primeiro semestre de 2010 complétase coas formalizacións de créditos directos que alcanzan un importe de 1.847 millóns de euros. Estes empréstitos están dirixidos a financiar proxectos de investimento estratéxicos para a economía nacional.

 

As Liñas ICO-Inversión e ICO-Liquidez foron as que tiveron unha maior demanda, concentrando aproximadamente o 80% dos empréstitos dispostos a través das Liñas de Mediación.

 

A través da Liña de Liquidez concedéronse empréstitos por importe de 3.971 millóns de euros, un 64% máis que no primeiro semestre de 2009, que se destinaron a financiar as necesidades de liquidez de 58.448 autónomos e empresas.

 

Con cargo á Liña ICO-Inversión aprobáronse empréstitos por importe de 4.319 millóns de euros, un 27% máis que no mesmo período do ano anterior, que serviron para financiar os proxectos de 64.821 autónomos e pemes.

 

Ata a data, o ICO aprobou a concesión de empréstitos por importe de 1.300 millóns con cargo aos diferentes produtos encadrados neste programa.

 

O Fondo de Economía Sostible 2010-2011 analízase en catro produtos: un fondo de capital inversión para financiamento de infraestruturas e enerxía, un fondo de capital risco, un programa de cofinanciamento directo de proxectos entre o ICO e as entidades financeiras e unha liña de mediación.

 

A través destes catro produtos fináncianse activos fixos que teñan como obxectivos, entre outros, a mellora da eficiencia enerxética, a xestión da auga, a eco-innovación, o tratamento e xestión de residuos, a mobilidade sostible, as enerxías renovables, a rehabilitación de vivendas e barrios e áreas rurais, a saúde e biotecnoloxía, a enerxía e o cambio climático, as tecnoloxías da información e a comunicación, a aeronáutica e o sector aeroespacial, a atención aos maiores, dependentes e colectivos vulnerables.

 

Fonte: www.ico.es