Nº 20 - setembro 2010

 Este sistema baseado nas novas tecnoloxías axiliza o proceso de constitución de novas empresas e evita moitos trámites burocráticos aos emprendedores; así, desde o momento en que os promotores acoden ao notario (única xestión presencial xunto coa realizada no PAIT do Igape) ata quedaren constituídas as súas empresas pasan por termo medio só 1,38 días hábiles, no caso das empresas constituídas como SLNE; a media no conxunto das comunidades do Estado onde está implantado o sistema é de 3,6 días. Galicia é a segunda comunidade autónoma por número de empresas creadas por esta vía, só por detrás da de Madrid, onde se puxo en marcha antes. Son galegas máis do 17% das SLNE constituídas por vía telemática en España.
 

Achegar aos novos empresarios a información detallada sobre as posibilidades e beneficios que aporta a SLNE para os emprendedores e, ao mesmo tempo, facilitar a constitución de novas empresas abeiradas a esta fórmula xurídica, son os obxectivos dos Puntos de Asesoramento e Inicio de Tramitación (PAIT) abertos para Galicia polo Igape. Os PAIT dispoñibles nas oficinas que ten o Instituto nas diferentes cidades galegas (A Coruña, Ferrol, Lugo, Santiago, Ourense, Pontevedra e Vigo) permiten ós emprendedores que impulsen proxectos empresariais de pequena dimensión crear as súas empresas de maneira áxil, con apoio e asesoramento directos e con plenas garantías xurídicas.
 

Desde que se ampliou a tramitación telemática para facilitar igualmente a constitución de forma áxil das Sociedades de responsabilidade limitada convencionais (SRL), os PAIT do Igape.