Nº 15 - abril 2010

Titulares

• Subvencións para programas integrados de emprego en Galicia
• O ICO financiará directamente a Pemes e Autónomos a partires de xuño
• Procedemento para a concesión do distintivo de Igualdade na Empresa
• O 23 de Abril finaliza o prazo para a presentación dos programas de cooperación.
• O Ministerio de Ciencia e Innovación (MICINN) presenta o Plan INNOVACCION 2010
• O Plan re-Forza 2010 mellorará a competitividade do tecido empresarial galego
• Nova orde para regular as axudas do Plan Avanza

• Portada
• Hemeroteca
• Subscricións E-mail

Trátase dun Plan enfocado a contribuír á consecución dos obxectivos da Estratexia Estatal de Innovación marcados para o ano 2015, que se concretan na necesidade de mobilizar da orde de 6.000M€ de investimento privado (1,9% do PIB) e en duplicar o perímetro de empresas que fan innovación, incorporando 40.000 empresas máis, ademais de aumentar o número de empregos cualificados.

 

O Plan INNOVACCIÓN 2010 supón unha inversión directa en I+D+i de 2.600M€ para todas as actuacións convocadas no ano 2010. Estrutúrase en sete convocatorias competitivas, catro accións financiadas e tres iniciativas de carácter non financeiro.

 

Co Plan INNOVACCION 2010, o Ministerio ten previsto xerar máis de 93.000 empregos cualificados e 3.900 novas empresas innovadoras ou empresas que empecen a innovar. Así mesmo, pretende retornar preto de 700M€ da Unión Europea a través de programas como o 7º Programa Marco, ou os Fondos FEDER da Unión Europea, dentro do Programa Operativo Fondo Tecnolóxico, entre outros. Respecto ao investimento privado mobilizado en I+D+i, o Ministerio pretende alcanzar os 5.000M€.

 

O Plan INNOVACCIONN busca unha simplificación das convocatorias para adecualas ao mercado.

 

Este conxunto de convocatorias encádranse dentro dos 5 eixes nos que se estrutura a Estratexia Estatal de Innovación, e cada unha delas está focalizada en actuacións relevantes para conseguir os nosos obxectivos: INNPLANTA de apoio a infraestruturas, no eixe de cooperación territorial; INNOEUROPA, no eixe de Internacionalización, busca incrementar os retornos europeos; INNCIDE no centro do pentágono fomenta as organizacións de transferencia de tecnoloxía; INNFLUYE e INNPACTO no eixe mercados, a colaboración público-privada; INNOCAMPUS, no centro e no eixe persoas, a excelencia en ciencia e innovación nas universidades; e INNCORPORA no eixe Persoas.

 

O Plan INNOVACCION é unha das accións de desenvolvemento da Estratexia Estatal de Innovación, a E2i, xunto cos programas de axudas do CDTI (organismo adscrito ao MICINN), das accións interministeriais, ou as accións en cooperación con Comunidades Autónomas, entre outras actuacións.

  

Máis información sobre o Plan INNOVACCION na páxina web do MICINN (www.micinn.es)