Nº 15 - abril 2010

Titulares

• Subvencións para programas integrados de emprego en Galicia
• O ICO financiará directamente a Pemes e Autónomos a partires de xuño
• Procedemento para a concesión do distintivo de Igualdade na Empresa
• O 23 de Abril finaliza o prazo para a presentación dos programas de cooperación.
• O Ministerio de Ciencia e Innovación (MICINN) presenta o Plan INNOVACCION 2010
• O Plan re-Forza 2010 mellorará a competitividade do tecido empresarial galego
• Nova orde para regular as axudas do Plan Avanza

• Portada
• Hemeroteca
• Subscricións E-mail

A Consellaría de Economía e Industria da Xunta de Galicia presentou as liñas estratéxicas do Plan re-Forza 2010, que contempla varias novidades en referencia á xestión dos apoios concedidos ás empresas, como a posibilidade de incluír o prefinanciamento dos proxectos de investimento mediante un sistema que vai posibilitar o pagamento de anticipos do 50% da axuda concedida, así como de pagamentos fraccionados que poderán chegar ata o 70% dos apoios concedidos. A este sistema de prefinanciamento tamén poderán acollerse iniciativas ou proxectos das liñas para a reorientación da competitividade e á reguladora de proxectos colectivos.
 

Con esta iniciativa, o IGAPE actuará como facilitador da mellora da competitivade das empresas galegas, dando un impulso máis intenso e sostido á internacionalización da peme galega.
 

Por iso, os fondos destinados ao eixe de mellora da competitividade crecen nun 12% en 2010, como os presupostos xerais do IGAPE, e os presupostos en materia de internacionalización crecen un 57%.
 

Así mesmo, esta entidade reducirá os prazos para a liquidación e pagamento das axudas concedidas, ao tempo que incorporará novas medidas de axilización ao amparo da administración electrónica, con instrumentos como a factura electrónica, o cotexo electrónico ou unha maior integración coas entidades financeiras colaboradoras, tamén sustentada mediante as tecnoloxías da información e as comunicacións (TIC).