Noticias

Trala presentación do proxecto de creación dunha Oficina de Fomento do Cooperativismo no pasado mes de febreiro a convocatoria publicada pola Consellería de Traballo e Benestar, no presente mes de xuño recibiuse a resolución que aproba a posta en marcha do citado servizo. Esta oficina adicada a promocionar a creación de cooperativas dentro do territorio da Maiv, estará dotada dos medios necesarios, tanto técnicos como humanos para poder atender a aquelas persoas interesadas no cooperativismo como forma idónea para a posta en marcha do seu proxecto empresarial. Asimesmo desde esta oficina poranse en marcha diversas actividades de fomento do cooperativismo, como a organización de xornadas e eventos nos concellos da Mancomunidade, para dar a coñecer tanto a existencia desta como para fomentar a creación deste tipo de empresas.

Prevese que para o vindeiro mes de xullo xa se teña aberto o servizo e de contado se inicien os contactos cos concellos da Maiv para a difusión do servizo e a posta en marcha das actividades de fomento e promoción do cooperativismo.