Resumo sobor das ideas básicas

A xeración de ideas é o paso previo indispensable cara á creación de empresas.

Xerar ideas de negocio require un grande esforzo de observación, análise e selección. Non se pode confiar na simple inspiración.

Unha idea de empresa debe ser necesariamente innovadora. Debe proporcionar melloras sobre o que xa existe.

Innovar non significa inventar. Normalmente as ideas de éxito son simples avances sobre produtos e servizos que xa existen, formas máis eficaces de facer as cousas.

Se tes unha idea "revolucionaria" ten coidado ó lanzarte. Pode que o contorno aínda non estea preparado para aceptala.

As fontes de ideas innovadoras son moi variadas, pero todas se basean en analizar e observar a información do noso arredor, e en poder cubrir necesidades insuficientemente satisfeitas.

Pensa sempre en termos de longo prazo. Se a túa idea de empresa non está preparada para adaptarse ós cambios no contorno terá unha vida limitada. Pensa na túa empresa hoxe e no futuro.

Non existe ningunha forma de asegurar a viabilidade dunha idea. O risco sempre existirá, pero pódese reducir se contamos coa información precisa e a utilizamos de forma ordenada.