Beneficios e Rendabilidade

A conta de resultados

O obxectivo final de cuantificar os teus ingresos e mailos gastos é chegar a coñecer anticipadamente cánto diñeiro gañarás, ou perderás, realmente coas túas actividades.

Para obter esta información utilízase un esquema, máis ou menos predefinido, chamado "conta de resultados".

Na conta de resultados terás que detallar os ingresos e os gastos da túa empresa, poñendo os primeiros na columna da esquerda e os segundos na da dereita.

CONTA DE RESULTADOS

GASTOS	INGRESOS
- Aprovisionamentos (Consumo de materias primas) - Gastos de persoal (Soldos e cargas sociais) - Outros gastos de explotación (Servizos subcontratados, tributos, etc.) - Amortizacións - Gastos financeiros - Gastos extraordinarios - Imposto de sociedades	- Importe das vendas - Subvencións - Ingresos financeiros - Beneficios por vendas de activos - Ingresos extraordinarios

Unha vez que listaches tódolos teus gastos e tódolos ingresos, e ordenaches os mesmos na conta de resultados, poderás ter claro cáles serán os teus beneficios, ou as túas perdas.

Pero non é mesmo gañar 100 pesetas cando tes investidas 1.000, que gañar eses mesmos vinte pesos se tiveches que gastar un millón. Temos que ver se o noso negocio é "rendible", temos que saber cánto ganamos en relación co diñeiro que investimos.

A rendibilidade mídenos, pois, a cantidade de diñeiro que gaño en función do que tiven que gastar (investir) para que funcionase a miña empresa.

A tesourería

Aínda que o obxectivo de calquera negocio sexa, como xa se indicou, gañar diñeiro, tes que ter en conta que o feito de que podes estar vendendo e, sen embargo, non estar cobrando estas vendas. Isto non se refire simplemente ós posibles impagados que poidas sufrir, senón que é moi habitual en determinados negocios ou actividades que non coincida o momento da venda co do pagamento.

Os períodos de cobro (ós teus clientes) e de pagamento (ós teus provedores) dependerán da capacidade de negociación que teñas con eles, así como dos usos e dos costumes do sector, xa que pode existir un costume instaurado e non será nada fácil varialo. Terás que controlar as entradas e as saídas de diñeiro líquido, mediante unha táboa de seguimento da tesourería.

CADRO DE TESOURERIA

	Xaneiro	Febreiro	Marzo .......
FLUXOS ACTIVIDADES ORDINARIAS
POR OPERACIÓNS DE EXPLOTACIÓN - Pagos a provedores - Pagos ó persoal - Outros pagos - Cobros de clientes
POR INGRESOS E GASTOS FINANCEIROS - Pagos de xuros - Cobros de xuros e dividendos
POLO IMPOSTO SOBRE BENEFICIOS - Pagos do exercicio
POR OUTROS IMPOSTOS - IVE - IRPF
FLUXOS POR ACTIVIDADES DE INVESTIMENTO
- Cobros por venda de activos fixos - Gastos constitución e apertura - Pagos por adquisición de activos fixos
FLUXOS POR ACTIVIDADES DE FINANCIAMENTO
- Achegas dos accionistas - Pagos de dividendos - Reembolso de capitais alleos - Variación neta dos préstamos a corto prazo - Captación de capitais alleos
VARIACIÓN DA TESOURERÍA NO PERÍODO
- Saldo de Tesourería inicial
SALDO FINAL DA TESOURERÍA

O Balance

Unha vez explicados os conceptos de activo e pasivo, resulta lóxico concluír que o valor monetario do activo (dos bens e dos obxectos da túa empresa) ten que ser igual ó valor do pasivo (con que están financiados os mesmos), e todo isto terás que presentalo de forma ordenada no que se chama balance de situación.

O balance de situación non é máis que un esquema ordenado onde reflectirás claramente que bens ten a túa empresa e de ónde saíron os fondos para mercalos.

BALANCE DE SITUACIÓN

ACTIVO

PASIVO

ACTIVO FIXO

- Inmobilizado inmaterial: patentes, aplicacións informáticas, gastos de constitución, etc.

- Inmobilizado material: maquinaria, mobiliario, ordenadores, etc.

- Inmobilizado financeiro: accións ó longo prazo, bonos, etc.

ACTIVO CIRCULANTE

-Existencias: materias primas, produtos rematados, etc.

-Debedores

- Clientes: vendas realizadas e non cobradas.

- Administracións Públicas: diñeiro que Facenda nos debe a nós.

- Investimentos financeiros

- temporais: investimentos a curto prazo.

- Tesourería: diñeiro líquido na caixa ou en contas bancarias.

FONDOS PROPIOS

- Reservas:
beneficios da empresa non repartidos ós socios.

- Débedas con entidades de crédito: débedas con bancos ou Caixas a longo prazo.

- Outros acredores:
débedas a longo prazo non financeiras.

- Débedas con entidades de crédito:

- Acredores comerciais:

- Acredores non comerciais:
débedas con Facenda, cos traballadores, etc. diñeiro que lle debemos ós nosos provedores.
débedas con bancos ou Caixas a curto prazo.ACREDORES A CURTO PRAZOACREDORES A LONGO PRAZO- Capital: diñeiro investido polos socios.

O Plan de Empresa
►	Introdución
►	Análise do contorno
►	Análise interna
►	A viabilidade económico financeira
►	Caso Práctico

Crea a túa Empresa
►	O Emprendedor
►	A Idea
►	O Plan de Empresa
►	Formas Xurídicas
►	Actividades Empresariais

Aviso Legal

Mancomunidade da Área Intermunicipal de Vigo. Vía Hispanidade n. 17 36203 Vigo. España
Tel. (+34) 986 42 33 66 | Fax: (+34) 986 47 14 44. | E-mail: info@maiv.org | Web: www.maiv.org